ഹോട്ടലുടമയ്ക്ക് നേരെ ബിജെപി നേതാക്കളുടെ ഭീഷണി; അമിത്ഷായുടെ പേര് പറഞ്ഞ് ഭീഷണിപ്പെടുത്തിയവരെ പോലീസ് അറസ്റ്റു ചെയ്തു

Share now

കേന്ദ്ര ആഭ്യന്തരമന്ത്രിയുടെ പേര് പറഞ്ഞ് ഹോട്ടല്‍ ഉടമയെ ഭീഷണിപ്പെടുത്തിയ ബിജെപി നേതാക്കള്‍ അറസ്റ്റില്‍. ചെന്നൈ റോയപേട്ടയിലെ മുത്തയ്യ തെരുവിലെ ഹോട്ടലില്‍ ഇന്നലെ രാത്രിയാണ് സംഭവം നടന്നത്. ബിരിയാണിക്ക് കാശ് ചോദിച്ചതിനാണ് ഭീഷണിയുമായി ബിജെപി നേതാക്കള്‍ രംഗത്തെത്തിയത്. യ ഭീഷണിപ്പെടുത്തിയ ബിജെപി നേതാക്കള്‍ ചെന്നൈയില്‍ അറസ്റ്റില്‍. ചെന്നൈ റോയപേട്ടയിലെ ഹോട്ടലില്‍ ഇന്നലെ രാത്രിയാണ് സംഭവം. അമിത് ഷായുടെ സഹായി വിളിക്കുമെന്നും മിനിറ്റുകള്‍ക്കകം കലാപമുണ്ടാക്കി കൊല്ലുമെന്നുമായിരുന്നു ബിജെപി ട്രിപ്ലിക്കന്‍ വെസ്റ്റ് മണ്ഡലം സെക്രട്ടറിയും പ്രസിഡന്റും ഭീഷണി മുഴക്കിയത്.

കട അടയ്ക്കുന്ന സമയത്തു മൂന്നുപേര്‍ എത്തി ബിരിയാണി ആവശ്യപ്പെട്ടു. ബിരിയാണി കിട്ടിയതോടെ പണം നല്‍കാതെ കടന്നു കളയാനായിരുന്നു ശ്രമം. ഹോട്ടലുടമയും ജീവനക്കാരും ഇവരെ തടഞ്ഞു. ബിജെപി നേതാക്കളോടു ബിരിയാണിക്കു പണം ചോദിക്കാന്‍ മാത്രം വളര്‍ന്നോയെന്നായി രുന്നു ഭീഷണി.

കേന്ദ്ര ആഭ്യന്തര മന്ത്രി അമിത് ഷായുടെ സഹായി വിളിക്കുമെന്നു പറഞ്ഞു വിരട്ടാന്‍ നോക്കി. പിറകെ തങ്ങള്‍ വിചാരിച്ചാല്‍ മുത്തയ്യ തെരുവില്‍ മിനിറ്റുകള്‍ക്കകം കലാപമുണ്ടാക്കാന്‍ കഴിയുമെന്ന മുന്നറിയിപ്പും മൂവര്‍ സംഘം നല്‍കി. ഇതോടെ ഉടമ പൊലീസില്‍ അറിയിച്ചു.

ഐസ് ഹൗസ് സ്റ്റേഷനിലെ പട്രോളിങ് സംഘമെത്തി മൂവരെയും കസ്റ്റഡിയിലെടുത്തു. ബിജെപി ട്രിപ്ലിക്കന്‍ വെസ്റ്റ് മണ്ഡലം സെക്രട്ടറി ഭാസ്‌കര്‍, പ്രസിഡന്റ് പുരുഷോത്തമന്‍, ഇരുവരുടെയും സുഹൃത്ത് സൂര്യ എന്നിവരാണ് അറസ്റ്റിലായത്. വധഭീഷണി മുഴക്കിയതിനും നാശനഷ്ടങ്ങളുണ്ടാക്കിയതിനുമാണ് കേസ്. മൂവരും മദ്യലഹരിയിലായിരുന്നുവെന്നു പൊലീസ് പറഞ്ഞു.


Share now