കള്ളം പറഞ്ഞത് ചോദ്യം ചെയ്തതിന്റെ പേരില്‍ തുറിച്ചുനോക്കിയെന്ന പരാതിയുമായി നടി സജിത മഠത്തില്‍; സ്ത്രീത്വത്തെ അപമാനിച്ചുവെന്ന് അക്കാദമി സെക്രട്ടറിക്ക് പരാതി ; സ്ത്രീ സംരക്ഷണ നിയമങ്ങള്‍ വളച്ചൊടിക്കുന്നുവെന്ന് പരാതിയുമായി ചലച്ചിത്ര അക്കാദമി ഫോട്ടോഗ്രാഫര്‍ ജോജി; ചെയ്യാത്ത തെറ്റിന് മാപ്പെഴുതി വാങ്ങി

Share now

നുണ പറഞ്ഞത് ചോദ്യം ചെയ്തപ്പോള്‍ ചലച്ചിത്ര അക്കാദമിയുടെ ഫോട്ടോഗ്രാഫര്‍ക്കെതിരെ തുറിച്ചുനോക്കിയെന്ന പരാതിയുമായി നടി സജിത മഠത്തില്‍. രാജ്യാന്തര ചലച്ചിത്ര മേളയുടെ ഉദ്ഘാടന വേദിയില്‍ അസത്യം പ്രസംഗിച്ചത് ചോദ്യം ചെയ്തതിന്റെ പേരില്‍ സജിത തനിക്കെതിരെ അക്കാദമി സെക്രട്ടറിക്ക് കള്ളപരാതി നല്‍കിയെന്ന് ഫോട്ടോഗ്രാഫര്‍ ജോജി അല്‍ഫോന്‍സിന്റെ ഫേസ്ബുക്ക് പോസ്റ്റ്. സാംസ്‌കാരിക മന്ത്രിക്കുള്ള സങ്കട ഹര്‍ജിയായിട്ടാണ് ജോജി ഇക്കാര്യം എഴുതിയിരിക്കുന്നത്.

കേസിന്റെ നൂലാമാലകളില്‍ നിന്നും തലയൂരാന്‍ വേണ്ടി താന്‍ നിവര്‍ത്തിക്കെട്ട് ചെയ്യാത്ത തെറ്റിന് മാപ്പെഴുതി കൊടുക്കേണ്ടി വന്നുവെന്നും ജോജി പറയുന്നുണ്ട്. സ്ത്രീ സുരക്ഷ നിയമത്തിന്റെ വാളുകളുയര്‍ത്തി സത്യം പറയുന്നവരെ നിശബ്ദരാക്കാന്‍ നടത്തുന്ന ഹീനമായ ശ്രമമായിട്ടാണ് ജോജിയുടെ ഫേസ്ബുക്ക് പോസ്റ്റില്‍ പലരും കമന്റ് ചെയ്തിരിക്കുന്നത്. ചലച്ചിത്ര മേളയുടെ ഭാഗമായി നടന്ന ഫോട്ടോ എക്‌സിബിഷന് വേണ്ടി 300 ചിത്രങ്ങള്‍ ആര്‍ടിസ്റ്റിക് ഡയറക്ടര്‍ ബീനാ പോളും, നിധിനും താനും ചേര്‍ന്നാണ് തിരഞ്ഞെടുത്തത്. ടാഗോര്‍ ഹാളില്‍ നടന്ന ഫോട്ടോ പ്രദര്‍ശന ഉദ്ഘാടന വേളയിലാണ് സ്വാഗത പ്രാസംഗിയായ സജിത മഠത്തില്‍ ‘ ആയിരകണക്കിന് ചിത്രങ്ങളില്‍ നിന്നും സജിത മഠത്തിലും ബീനാ പോളും ചേര്‍ന്നാണ് ചിത്രങ്ങള്‍ തിരഞ്ഞെടുത്തതെന്ന് അവകാശപ്പെട്ടു. അടിസ്ഥാനമില്ലാത്ത അവകാശവാദത്തെ ഫെസ്റ്റിവല്‍ ഓഫീസില്‍ വെച്ച് ചെയര്‍മാന്‍ കമലിന്റെയും, സംവിധായകന്‍ സിബി മലയലിന്റെയും സാന്നിധ്യത്തില്‍ സജിതയുടെ അസത്യ പ്രസംഗത്തെക്കുറിച്ച് ചോദിക്കാന്‍ ശ്രമിച്ചപ്പോള്‍ അവര്‍ ബഹളം വെക്കുകയും സ്ത്രീയെ അപമാനച്ചുവെന്ന തരത്തില്‍ വിഷയം മാറ്റുകയുമാണുണ്ടായത്.

ജോജി

എറണാകുളത്തെ ഫെസ്റ്റിവലിന്റെ ഭാഗമായി നടന്ന ഫോട്ടോപ്രദര്‍ശനത്തിന്റെ ഉദ്ഘാടന വേളയില്‍ തിരുവനന്തപുരത്ത് പറഞ്ഞ അസത്യങ്ങള്‍ തിരുത്തകയും ജാള്യത മറയ്ക്കാന്‍ തനിക്കെതിരെ സെക്രട്ടറിക്ക് പരാതി നല്‍കി. എറണാകുളത്തെ ഉദ്ഘാടന സമയത്ത് അവരെ തുറിച്ചുനോക്കിയെന്ന് പറഞ്ഞാണ് പരാതി നല്‍കിയത്. ചെയര്‍മാന്റെയും, സെക്രട്ടറിയുടെയും അഭ്യര്‍ത്ഥന മാനിച്ച് പ്രശ്‌നം പരിഹരിക്കാന്‍ അവര്‍ ആവശ്യപ്പെട്ടതുപോലെ ക്ഷമാപണം താന്‍ എഴുതി നല്‍കി. ചെയ്യാത്ത കുറ്റത്തിന്റെ പേരില്‍ ഒരുപാട് മാനസിക വിഷമങ്ങള്‍ അനുഭവിക്കേണ്ടി വന്നു. ക്ഷമാപണത്തിന്റെ അടിസ്ഥാനത്തില്‍ അക്കാദമിയില്‍ നിന്നും ഒരാഴ്ച കഴിഞ്ഞിട്ടും മറുപടി വരാത്ത സാഹചര്യത്തില്‍ അടുത്ത സുഹൃത്തും കോണ്‍ഗ്രസ് നേതാവുമായ മുന്‍ എംഎല്‍എ പി.സി വിഷ്ണുനാഥിനോട് കാര്യങ്ങള്‍ പറഞ്ഞു. അദ്ദേഹം, ചെയര്‍മാനോട് കാര്യങ്ങള്‍ ഫോണിലൂടെ വിശദീകരിച്ചു. എല്ലാ പ്രശ്‌നങ്ങളും അവസാനിച്ചതായി ഉടനെ തന്നെ അക്കാദമി സെക്രട്ടറി വിളിച്ചു പറയുകയും ചെയ്തു. സ്ത്രീ സംരക്ഷണ നിയമം ദുരുപയോഗം ചെയ്യുന്നതില്‍ ഭയന്ന് പിന്നീട് തലശ്ശേരിയിലും പാലക്കാട്ടും നടന്ന ചലച്ചിത്ര മേളയില്‍ താന്‍ പങ്കെടുത്തില്ലെന്നും ജോജി ഫേസ്ബുക്കില്‍ കുറിച്ചിട്ടുണ്ട്. പിന്‍ വാതിലുകളിലൂടെ ഉയര്‍ന്ന പദവികളിലെത്തി നില്‍ക്കുന്നവരുടെ പീഡനങ്ങള്‍ സഹിക്കവയ്യാതെയാണ് താന്‍ ഈ കുറിപ്പെഴുതുന്നതെന്ന് മന്ത്രിക്കെഴുതിയ സങ്കട ഹര്‍ജിയില്‍ ജോജി വ്യക്തമാക്കിയിട്ടുണ്ട്.

ഫേസ്ബുക്ക് പോസ്റ്റിന്‍റെ പൂര്‍ണ രൂപം:

ബഹുമാനപ്പെട്ട സാംസ്‌കാരിക മന്ത്രിക്കു ഒരു ഫോട്ടോഗ്രാഫറുടെ സങ്കട ഹർജി ഇരുപത്തഞ്ചാമതു iffk യുടെ ഫോട്ടോ എഡിറ്റർ ആയി ചലച്ചിത്ര അക്കാഡമിയിൽജോലിയിൽ പ്രവേശിക്കുന്നത് 2020 നവംബര് ഇരുപതിനാണ്. എന്നെ ഏല്പിച്ച ഭാരപ്പെട്ട ജോലികൾ ഭംഗിയായും സമയബന്ധിതമായും തീർത്തു കൊടുത്തു.ഒരു ലക്ഷത്തോളം ചിത്രങ്ങളിൽ നിന്നും iffk സ്റ്റോറീസ വെബ്‌സൈറ്റിന് വേണ്ടി ആറായിരത്തോളം ചിത്രങ്ങൾ തരം തിരിച്ചു.അതിൽ നിന്നും മുന്നൂറു ചിത്രങ്ങൾ ഫോട്ടോ എക്സിബിഷന് വേണ്ടി ആർട്ടിസ്റ്റിക് ഡയറക്ടർ ആയ ബീന പോളും അസിസ്റ്റന്റായ നിധിനിനും ജാനും കൂടി ഫെബ്രുവരി ഏഴിന് തിരഞ്ഞെടുത്തു.ഫെബ്രുവരി എട്ടിനാണ് ശ്രീമതി സജിത മഠത്തിൽ ഓഫീസി എത്തുന്നത്. ഫോട്ടോ പ്രദർശന ഉൽഘാടനം ഫെബ്രുവരി പന്ത്രണ്ടിന് ടാഗോർ ഫെസ്റ്റിവൽ നഗറിൽ നടന്നു. പ്രദർശനത്തിന്റെ ഉൽഘാടന വേളയിൽ സ്വാഗത പ്രാസംഗികയായ സജിത മഠത്തിൽ – ആയിര കണക്കിന് ചിത്രങ്ങളിൽ നിന്നും ശ്രീമതി സജിത മഠത്തിലും ബീനാപോലും കൂടിയാണ് ചിത്രങ്ങൾ തിരഞ്ഞെടുത്തതെന്ന് അവകാശപ്പെട്ടു.

ബഹുമാനപ്പെട്ട സാംസ്‌കാരിക മന്ത്രിക്കു ഒരു ഫോട്ടോഗ്രാഫറുടെ സങ്കട ഹർജി ഇരുപത്തഞ്ചാമതു iffk യുടെ ഫോട്ടോ…

Posted by Aj Joji Alphonse on Wednesday, 3 March 2021

ഫെസ്റ്റിവൽ ഓഫീസിൽ ചെയർമാൻ ശ്രീ കമൽ സാറിന്റെയും ജി സി മെമ്പർ ശ്രീ സിബി മലയിൽ സാറിന്റെയും സാനിധ്യത്തിൽ ശ്രീമതി സജിത മഠത്തിലിലിനോട് അവർ ഉൽഘാടന വേളയിൽ പറഞ്ഞ അസത്യത്തെകുറിച്ച് ചോദിയ്ക്കാൻ ശ്രമിച്ചപ്പോൾ തന്നെ അവർ ബഹളം വെയ്ക്കുകയും സ്ത്രീയെ അപമാനിച്ചു എന്ന തരത്തിൽ വിഷയം മാറ്റുകയുമാണുണ്ടായത്. ഔദ്യോഗികമായി എറണാകുളത്തേക്കു എനിക്ക് ക്ഷണം ഉണ്ടായിരുന്നില്ല. jhanum കൂടി പങ്കാളിയായിട്ടുള്ള ഫോട്ടോ എക്സിബിഷന്റെയും 25thiffkphotosories websiteന് ഉൽഘാടനത്തിൽ പങ്കെടുന്നത് സന്തോഷകരമായ കാര്യം ആയതുകൊണ്ട് സ്വന്തം ചിലവിൽ എറണാകുളത്തെത്തി. എറണാകുളത്തു നടന്ന ഫോട്ടോ പ്രദർശനത്തിന്റെ ഉൽഘാടന വേളയിൽ തിരുവനന്തപുരത്തു പറഞ്ഞ അസത്യങ്ങൾ ശ്രീമതി സജിത മഠത്തിൽ തിരുത്തുകയും ആ ജാള്യത മറക്കാൻ വേണ്ടി എനിക്കെതിരെ സെക്രെട്ടറിയ്ക്കു പരാതി നൽകുകയും ഉണ്ടായി. പരാതിയിൽ പറഞ്ഞിട്ടുള്ളത് ‘ജി സി മെമ്പറെ ആക്ഷേപിച്ചയാൽ ഫെസ്റ്റിവൽ സ്ഥലത്തു വരാൻ പാടില്ല എന്നും എറണാകുളത്തെ ഉൽഘാടന സമയത്തു അവരെ തുറിച്ചു നോക്കി എന്നുമാണ്’.25th iffk വോളന്റീർ ആയ 18 വയസ്സുള്ള മകനുമായാണ് ഉൽഘാടനത്തിൽ പങ്കെടുത്തത്.വീണ്ടും ഒരു കള്ളക്കേസ് വന്നാലോ എന്ന ഭയം കൊണ്ടാണ് വളരെ ദൂരത്തു മാറിയാണ് നിന്നതു. ഈ പരാതി അസത്യമാണെന്നു അറിയാമായിരുന്നിട്ടും മുപ്പതു വര്ഷത്തിനുമേൽ പരിചയമുള്ള ശ്രീമതി സജിത മഠത്തിലിന്റെ ആരോഗ്യാവസ്ഥയെയും മനസികാവസ്ഥയെയും പരിഗണിച്ചും ചെയമാന്റെയും ആർട്ടിസ്റ്റിക് ഡയറക്ടറുടെയും സെക്രട്ടറിയുടെയും അഭ്യർഥനയെ മാനിച്ചും കൂടുതൽ വഴക്കുകളിലും പ്രശ്നങ്ങളിലും ചെന്ന് ചേരാൻ താല്പര്യം ഇല്ലാത്തതുകൊണ്ടും പരിഹരിക്കാൻ പറ്റാത്തത്ര പ്രശ്നങ്ങൾ വേറെ ഉള്ളതുകൊണ്ടും,സമയം ഇല്ലാത്തതുകൊണ്ടും സെക്രട്ടറിയും ആർട്ടിസ്റ്റിക് ഡയറക്ടറും പറഞ്ഞ പോലെ ക്ഷമാപണം എഴുതി നൽകി.ആ പ്രശ്നം അവിടെ അവസാനിച്ചു എന്ന് കരുതി.ഒരാഴ്ചയായിട്ടും ഒരറിയിപ്പും അക്കാഡമിയിൽ നിന്നും വന്നില്ല.ചെയ്യാത്ത കുറ്റത്തിന്റെ പേരിൽ അനുഭവിക്കേണ്ടി വന്ന അപമാനം എന്നെ വല്ലാതെ മാനസികമായി തളർത്തി.അവസാനം എന്റെ നാട്ടുകാരനായ ശ്രീ പി സി വിഷ്ണുനാഥിന്റെ വിളിച്ചു കാര്യങ്ങൾ പറഞ്ഞു.എഴുതിയ പരാതി ശ്രീ വിഷ്ണുനാഥിന് കൊടുത്തില്ല.കാരണം നന്നായി നടക്കുന്ന ഒരു ഫെസ്റ്റിവൽ മോശമാക്കാൻ ഒരു അവസരം ഉണ്ടാക്കേണ്ടെണ്ടെന്നു കരുതി.ചെയര്മാനോട് ശ്രീ വിഷ്ണുനാഥ്‌ സംസാരിച്ചു..അരമണിക്കൂറിനുള്ളിൽ പ്രശ്നം അവസാനിച്ചതായി ചലച്ചിത്ര അക്കാദമി സെക്രട്ടറിയുടെ മറുപടി വന്നു..സത്രി സംരക്ഷണ നിമയത്തെ ദുരുപയോഗപ്പെടുത്തുന്നത് എങ്ങനെയെന്ന് മനസ്സിലാക്കിയപ്പോൾ തലശ്ശേരിയ്ക്കും പാലക്കാട്ടേക്കും പോകാൻ പേടിയായി.പോയില്ല.തൊഴിൽ പരമായി എനിക്കുണ്ടായ നഷ്ട്ടം വളരെ വലുതാണ്. കൊറോണ കാലത്തു നടക്കുന്ന ടൂറിംഗ് ഫെസ്റ്റിവലിന്റെ ചിത്രങ്ങൾ പകർത്താനുള്ള അവസരവും,ഒരുപാടു മനുസ്യരുടെ പോർട്രൈറ്സ് പകർത്താനുള്ള അവസരവും നഷ്ടപ്പെട്ടു. ഒഡേസ പ്രസ്ഥാനത്തിലൂടെ ഫോട്ടോഗ്രഫിയിലേക്കു വന്ന ജാൻ 1988 ൽ തിരുവനന്തപുരത്തു നടന്ന ആദ്യ ഇഫി മുതൽ തുടർച്ചയായി iffk ൽ പങ്കെടുക്കുന്നു.1998 മുതൽ ഒഫീഷ്യൽ ഫോട്ടോഗ്രാഫറാണ് അല്ലാതെയും ഈ ചരിത്ര നിമിഷങ്ങൾ പകർത്തി വരുന്നു. 2016 കൊച്ചി മുസിരിസ് ബിനാലെയിൽ ഫോട്ടോഗ്രാഫി hod ആയിരുന്നു.ഇന്ത്യാവിഷൻ മുതൽ സോണി എന്റർടൈൻമെന്റ് വരെയുള്ള വിവിധ ചാനലുകളിൽ ക്യാമറമാനേയും ചീഫ് ക്യാമെറാമാനായും പ്രവർത്തിച്ചിരുന്നു.ടി വി ചന്ദ്രൻ ,എം പി സുകുമാരൻ നായർ,വേണു,രാജീവ് വിജയരാഘവൻ മുതൽ രജ്ജീവ് രവി, മഹേഷ് നാരായണൻ വരെയുള്ള വിവിധ തലമുറകളിലെ ചലച്ചിത്രകാരന്മാരുടെ സിനിമകളിലെ സ്റ്റിൽ ഫോട്ടോഗ്രാറായി പ്രവർത്തിച്ചു. ഇത്രയധികം പ്രവർത്തി പരിചയം ഉള്ളതുകൊണ്ട് തന്നെയാണ് ചലച്ചിത്ര അക്കാഡമി ഫോട്ടോഎഡിറ്റർ തസ്‌തിക എനിക്ക് നൽകിയത്. കഴിഞ്ഞകാലങ്ങളിൽ നടന്ന iffk കളിലും, എനിക്ക് അനുഭവിക്കേണ്ടി വന്ന ദുരവസ്ഥ സാബു പ്രവദ അടക്കം പലർക്കും അനുഭവിക്കേണ്ടി വന്നിട്ടുണ്ട്. പിൻവാതിലിലൂടെ പദവികളിൽ എത്തിപ്പെടുന്ന ഇത്തരം ആളുകളിൽ നിന്നും അനുഭവിക്കേണ്ടി വരുന്ന പീഡനം സഹിക്കാവുന്നതിനും അപ്പുറമാണ്. ഇരുപത്തിഅഞ്ചാമതു iffk യിൽ എനിക്കുണ്ടായ സങ്കടങ്ങൾ ബഹുമാനപ്പെട്ട മന്ത്രിയെ അറിയിച്ചതാണ്.ഇനി ഒരാൾക്കും ഇത്തരം അനുഭവങ്ങൾ ഉണ്ടാവരുതെന്നു ആശിക്കുന്നു. തുടർന്നും ചലച്ചിത്രഅക്കാഡമിയോട് സഹകരിക്കുന്നതിൽ സന്തോഷമേയുള്ള എന്ന് വിശ്വസ്തതയോടെ

എ ജെ ജോജി

25/ 2 /2021


Share now